YouTube ახალი სერვისის გამოცდით არის დაკავებული, რომელიც მომხმარებელს საშუალებას მისცემს, ერთსა და იმავე ვიდეოს სხვადასხვა რაკურსიდან უყუროს. სატესტო რეჟიმში სერვისი უკვე დაანონსებულია.

პროექტის ავტორების თქმით, ჩანაფიქრის მიზანია, ყურების პროცესი უფრო საინტერესო და ინტერაქტიული გახადოს. ვიდეოს ნახვის ასეთი შესაძლებლობა კონცერტების, სპორტული ღონისძიებებისა და ფილმების მოყვარულებს განსაკუთრებით გაახარებს.

ამჟამად ახალი სისტემით მხოლოდ ერთი ვიდეოა განთავსებული. ესაა ამერიკელი მომღერლის მედლინ ბეილის კონცერტის ჩანაწერი. მისი ნახვა ხუთი სხვადასხვა რაკურსითაა შესაძლებელი.