ილიაუნი ინკლუზიური განათლების საზაფხულო სკოლის პროგრამას აცხადებს - 26 ივნისში 2015 - Social Mega Portal



Загрузка...
მთავარი » 2015 » ივნისი » 26 » ილიაუნი ინკლუზიური განათლების საზაფხულო სკოლის პროგრამას აცხადებს
2:29 PM
ილიაუნი ინკლუზიური განათლების საზაფხულო სკოლის პროგრამას აცხადებს






ილიას სახელმწიფო უნივერსტეტმა ინკლუზიური განათლების საზაფხულო სკოლის პროგრამა დააანონსა. მონაწილეობის მიღების მსურველებმა, რეგისტრაცია 11-18 ივნისის ვადებში უნდა გაიარონ.

პროგრამა 5 დღიანია და 22-26 ივნისს 10:00-დან 17:00 საათამდე ჩატარდება. საზაფხულო სკოლის პროგრამას "სწავლა-სწავლება დაკვირვებისა და ანალიზის საფუძველზე" ჰქვია და მასში მონაწილეობა უფასოა.

"საზაფხულო სკოლა მონაწილეებს სთავაზობს ცნობიერების ამაღლებას სასწავლო პრაქტიკის ეფექტურად განხორციელებაზე. წარმოდგენილი იქნება აქტიური სწავლის, დაკვირვებისა და ინტერვიუს გამოყენების სტრატეგიები მოსწავლეთა/სტუდენტთა ხარისხიანი სწავლებისთვის. მონაწილეები გაეცნობიან მოსწავლეებს/სტუდენტებსა და მასწავლებლებს შორის კონსულტირების/დიალოგის მნიშვნელობასა და მასწავლებელთა მხრიდან კონსულტირების ფორმებს.

ლექციები ჩატარდება ინტერაქციულ რეჟიმში. მეთოდოლოგიის სახით გამოყენებულ იქნება პრაქტიკული სამუშაოები და მრავალფეროვანი მედიამასალა.

საზაფხულო სკოლას გაუძღვებიან მოწვეული ლექტორები, პროფესორი მეი ბრიტ პოსტჰოლმი (ნორვეგიის მეცნიერების და ტექნოლოგიის უნივერსიტეტი) და ასოცირებული პროფესორი ტორბიორნ ლუნდი (ტრომსოს და ნორვეგიის არქტიკის უნივერსიტეტები).
სასწავლო პროგრამაში მონაწილეობის მიღება შეუძლიათ ინკლუზიურ განათლებაში ჩართულ სპეციალისტებს: ფსიქოლოგებს, სპეციალური განათლების პედაგოგებს, ინკლუზიური განათლების კოორდინატორებს, ინკლუზიური პროფესიული განათლების სპეციალისტებს, სპეციალური საგანმანათლებლო საჭიროების მქონე სტუდენტების ასისტენტებს, საგნის მასწავლებლებს, აღნიშნული პროფესიების შესაბამისი მაგისტრატურის სტუდენტებს (უპირატესობა მიენიჭება სკოლებსა და პროფესიულ სასწავლებლებში ამჟამად მომუშავე სპეციალისტებს)." - ვკითხულობთ პროგრამის Facebook-ის გვერდზე.

სკოლის დასრულების შემდეგ მონაწილეებს გადაეცემათ მონაწილეობის დამადასტურებელი სერტიფიკატები.

დამატებითი ინფორმაციისთვის ეწვიეთ ამ ბმულს.



გამოხატეთ თქვენი მოსაზრება მოცემულ მასალაზე - კომენტარის სახით.



ნანახია: 157 | დაამატა: nikolozqartveli | ტეგები: ინკლუზიური განათლების საზაფხულო სკო, საზოგადოება, ganatelba, თბილისი, janmrteloba, განათლება, ილიას სახელმწიფო უნივერსიტეტი, iliauni, საქართველო, ჯანმრთელობა | რეიტინგი: 0.0/0

გაეცანით მსგავს მასალებს ტეგების მიხედვით



სულ კომენტარები: 0
სახელი *:
Email *:
კოდი *: