გარემოსდაცვითი განათლება სკოლამდელ, საგანმანათლებლო და სამეცნიერო დაწესებულებებში - 2 დეკემბერში 2015 - Social Mega Portal



Загрузка...
მთავარი » 2015 » დეკემბერი » 2 » გარემოსდაცვითი განათლება სკოლამდელ, საგანმანათლებლო და სამეცნიერო დაწესებულებებში
2:25 PM
გარემოსდაცვითი განათლება სკოლამდელ, საგანმანათლებლო და სამეცნიერო დაწესებულებებში






გარემოსდაცვითი ინფორმაციისა და განათლების ცენტრში თანამშრომლობის მემორანდუმი გაფორმდა საქართველოს განათლებისა და მეცნიერების სამინისტროს, საქართველოს გარემოსა და ბუნებრივი რესურსების დაცვის სამინისტროსა და „კავშირი მდგრადი განვითარებისათვის ეკოვიჟენს“ შორის.

მემორანდუმი ითვალისწინებს თანამშრომლობას სკოლამდელ, საგანმანათლებლო და სამეცნიერო დაწესებულებებში შემდეგი მიზნების განხორციელებისათვის:

• გარემოსდაცვითი განათლებისა და განათლება მდგრადი განვითარებისაკენ მიმართული საგანმანათლებლო პროექტების განხორციელება;
• საბუნებისმეტყველო საგნების პოპულარიზაცია, ცხოვრების ჯანსაღი წესის დამკვიდრება;
• გარემოსდაცვითი ცნობიერების ამაღლება.
მემორანდუმის ფარგლებში დაგეგმილია: საგანმანათლებლო რესურსების შემუშავება და გავრცელება; პედაგოგების გადამზადება გარემოსდაცვით საკითხებში; გარემოსდაცვითი საერთაშორისო დღეებისადმი მიძღვნილი გამოფენების, სემინარებისა და სხვა ღონისძიებების ორგანიზება; თემატური კონკურსებისა და ღია გაკვეთილების ჩატარება; დასუფთავებისა და გამწვანების აქციების ორგანიზება; თანამშრომლობა გარემოსდაცვითი მედიაპროდუქტების მომზადების პროცესში და ა.შ.

„კავშირი მდგრადი განვითარებისათვის “ეკოხედვა / EcoVision“ 2001 წელს დაარსდა. კავშირის ერთ-ერთი ძირითადი მიმართულებაა საზოგადოების გარემოსდაცვითი ცნობიერების ამაღლება. ორგანიზაციას “ეკოხედვა/ECOVISION” დაარსების დღიდან, გარემოს დაცვის სფეროში, შესრულებული აქვს საერთაშორისო დონორი ორგანიზაციების მიერ დაფინანსებული 50-ზე მეტი პროექტი.



გამოხატეთ თქვენი მოსაზრება მოცემულ მასალაზე - კომენტარის სახით.



ნანახია: 86 | დაამატა: nikolozqartveli | ტეგები: საზოგადოება, საგანმანათლებლო და სამეცნიერო დაწეს, სკოლამდელ, განათლება, ბავშვები, გარემოსდაცვითი განათლება, საბუნებისმეტყველო ს, საქართველო | რეიტინგი: 0.0/0

გაეცანით მსგავს მასალებს ტეგების მიხედვით



სულ კომენტარები: 0
სახელი *:
Email *:
კოდი *: