4:08 PM ნახშირბადის ახალი სახეობით ოთახის ტემპერატურაზე ბრილიანტი იქმნება / nakhshirbadis sakheobit otakhis temperaturaze brilianti iqneba | |||||||||||||
|
ჩრდილოეთ კაროლინის უნივერსიტეტის მეცნიერებმა აღმოაჩინეს მყარი ნახშირბადის ახალი სახეობა, რომელსაც Q-კარბონს ეძახიან, და ნახშირბადის სხვა 2 სახისგან განსხვავებით რამდენიმე გამორჩეული თვისება აქვს: არის ფერომაგნეტური, უფრო მყარი ვიდრე ბრილიანტი და ენერგიის გამოყოფის დროს ვარვარებს. მკვლევარებმა აღმოაჩინეს, რომ Q-კარბონით მიიღება ბრილიანტის სტრუქტურა ჩვეულებრივ ატმოსფეროში, ოთახის ტემპერატურაზე. Q-კარბონის შესაქმნელად დაგჭირდებათ ნახშირბადის წყარო და სუბსტრატი, რომელზეც რეაქცია განხორციელდება. წყაროდ გამოგადგებათ ამორფული ნახშირბადი, რომელშიც ატომები არაორგანიზებული სახით იმყოფებიან და ქაოსურად არიან განლაგებულნი. მაგალითად ქვანახშირი ამორფული კარბონის ერთ-ერთი სახეა. რაც შეეხება სუბსტრატს, უმჯობესი იქნება არჩევანი მინას და პლასტმასს შორის გააკეთოთ. აავსეთ სუბსტრატი ამორფული კარბონით და დაახლოებით 200 ნანოწამის განმავლობაში ლაზერული პულსი "დაარტყით", გააცხელეთ 3,726 °C-ზე და შემდეგ სწრაფად გაგრილების შემთხვევაში ის Q-კარბონად დაკრისტალდება. "ასე შევქმენით მყარი კარბონის მესამე სახე. მისი ნატურაული სახით არსებობა შესაძლებელია რომელიმე პლანეტაზე" - ამბობს ჯეი ნერიანი, კვლევის ერთ-ერთი ხელმძღვანელი. განსხვავებული სუბსტრატის ან ლაზერული პულსის "დარტყმის" ხანგრძლივობის შემთხვევაში, მათ შეძლეს ალმასის ნანოსტრუქტურის შექმნა. "ასეთი რამ ჩვენც მხოლოდ ფილმებიდან გვესმოდა, თუმცა ნამდვილად შესაძლებელია ჩვეულებრივ ოთახის ტემპერატურაზე ბრილიანტის მიღება" - დასძენს ნერიანი. კვლევა APL Materials-ში გამოქვეყნდა.
| გამოხატეთ თქვენი მოსაზრება მოცემულ მასალაზე - კომენტარის სახით.
|
გაეცანით მსგავს მასალებს ტეგების მიხედვით
Загрузка...
| |||||||||||
