დღეს, 17 მარტს, არქეოლოგებმა ტუტანჰამონის სამარხში კიდევ ორი ოთახი აღმოაჩინეს, სადაც ორი კედლის მიღმა შესაძლოა "მეტალისა და ორგანული წარმოშობის" ნივთები ინახებოდეს. ამის შესახებ BBC იუწყება. ეგვიპტის სიძველეთა მინისტრმა მამდოჰ ელდამატიმ განაცხადა, რომ ოთახების არსებობა რადიოლოკაციური სკანირების მეშვეობით დადგინდა.

ბრიტანელი ეგვიპტოლოლოგს სჯერა, რომ იქ ნეფერტიტიტს სამარხია. იგი ქრისტეშობამდე მე-14 საუკუნეში იყო ძველი ეგვიპტის დედოფალი. მინისტრის განცხადებით, სკანირების საფუძველზე გაკეთებული დასკვნების სიზუსტე 90%-ია:

"ეგვიპტისთვის ეს შეიძლება საუკუნის აღმოჩენად ჩაითვალოს".

ტუტანჰამონი 3000 წლის წინ 19 წლის ასაკში გარდაიცვალა. ბრიტანელი არქეოლოგი ნიკოლას რივზი მიიჩნევს, რომ ის სამარხის წინა ნაწილში დაკრძალეს, რომელიც თავდაპირველად სავარაუდოდ ნეფერტიტესთვის იყო განკუთვნილი.

ტუტანჰამონის სამარხი 1922 წელს ბრიტანელმა არქეოლოგმა ჰოვარდ კარტერმა აღმოაჩინა.