გაეცანით ინტერნეტში ყველაზე პოპულარულ მასალებს აქ!
Загрузка...
მთავარი » 2016 » ოქტომბერი » 3 » მეამბოხე სულები 14 წლის შემდეგ / meambokhe sulebi 14 tsclis shemdeg
7:24 PM
მეამბოხე სულები 14 წლის შემდეგ / meambokhe sulebi 14 tsclis shemdeg






წლების წინ, როცა ჯერ კიდევ მოსწავლე ვიყავი, სკოლიდან გამოსვლას, ბევრ სხვა სასიხარულო მიზეზთან ერთად, ისიც ემატებოდა, რომ ვიცოდი - სანამ მეცადინეობას დავიწყებდი რუსთავი 2-ზე მიას, პაბლოს, მარისასა და მანუელის ამბებს ვნახავდი, იმ დროს ჩემთვის ერთ-ერთ ყველაზე საყვარელ პერსონაჟებს არგენტინული სერიალიდან მეამბოხე სულები.

სერიალი 2002 წელს, არგენტინაში, კრის მორენამ გადაიღო. სიუჟეტი ჩვენთვის საოცნებო კოლეჯში ვითარდებოდა, სადაც ყველა ტიპის და წარმომავლობის ადამიანს შეხვდებოდით.

არგენტინელ თინეიჯერების ცხოვრება, სასიყვარულო თავგადასავლები, მეგობრული თუ სახიფათო კავშირები, ყველაფერი, რაც კი შეიძლება ადამიანს გადახდეს ამ ასაკში, უფრო სწორედ კი, რაც შეიძლებოდა ჩვენ გადაგვხდენოდა თავს. რამდენჯერ გიოცნებიათ ისეთ კოლეჯში სწავლაზე, სადაც ღამითაც დარჩებოდით? მინიმუმ 318-ჯერ მაინც, ზუსტად იმდენჯერ რამდენ ეპიზოდსაც მოიცავს შოუ.

სერიალში მთავარ როლებს - კამილა ბორდონაბა, ლუისიანა ლოპილატო, ბენჯამენ როხასი, ფელიპე კოლომბო, კატრინ ფულოპი და სხვა მსახიობები თამაშობენ.

მოდით გავიხსენოთ და გავიგოთ, ამჟამად რას საქმიანობენ ადამიანები, რომლებმაც ბევრ ჩვენგანს თინეიჯერობა გაუხალისეს.

დააჭირეთ ფოტოებს და ნახეთ როგორები იყვნენ და როგორ გამოიყურებიან მეამბოხე სულები 14 წლის შემდეგ.

ლუისიანა ლოპილატო - მია კოლუჩი

ლუისიანა დღეს 29 წლის არის და ცნობილი კანადელი მომღერლის მაიკლ ბუბლეის ცოლია, რომელთანაც 2 შვილი ჰყავს.

მისი სამსახიობო კარიერა ჯერ იდევ 1999 წელს დაიწყო, როდესაც კრის მორენამ (რომელმაც მოგვიანებით ლუისიანას ერთ-ერთი მთავარი როლი მისცა მეამბოხე სულებში) სერიალ Chiquititas-ში გადაიღო.

ის დღემდე აქტიურად მონაწილეობს ფილმებსა და სერიალებში, ასევე მიწვევით თამაშობს არგენტინის რამდენიმე თეატრში. 2016 წელს მისი მონაწილეობით 2 არგენტინული და ერთი ამერიკული ფილმი გამოვა, 2017 წელს კი მთავარ როლს შეასრულებს ალეხანდრო მაცის სერიალში ის, ვინც სიძულვილამდე მიყვარს.

კამილა ბორდონაბა - მარისა სპირიტო

შეიძლება ითქვას, რომ მარისას როლის შემსრულებელი კამილა ბორდონაბა ერთ-ერთი ყველაზე წყნარი და ერთგვარად უჩინარი მსახიობია. მისი ახალი ფოტოების მოძებნა ძალიან გაგიჭირდებათ. მისი კარიერა 2011 წლის შემდეგ წყდება - უარს ამბობს სერიალებზეც, ფილმებზეც, თეატრზეც და მუსიკაზეც კი. ინტერნეტ სივრცეში იმდენად ცოტა იწერება მასზე, რომ ჭორიც გავრცელდა, თითქოს კამილა ბორდონაბა გარდაიცვალა, ეს ამბავი იმდენად აიტაცეს, რომ მის ძმას სპეციალური განცხადების გაკეთებაც კი მოუწია. ტელევიზიებმა კი ბორდონაბაზე ნადირობა გამოაცხადეს. როგორც ცნობილია, კამილა განმარტოებით ცხოვრობს და აღარ აპირებს შოუ-ბიზნესში დაბრუნებას.

ბენჯამენ როხასი - პაბლო ბუსტამანტე

ფელიპე კოლომბო მთელ თავის დროს მუსიკას უთმობს და სერიალებში მონაწილეობაზე დროებით უარს ამბობს. მისი, ჯერ-ჯერობით, ბოლო როლი სერიალში ჩემი მეგობარი განსახიერებული პერსონაჟია.

ფელიპე კოლომბო - მანუელ აგირე

ფელიპე კოლომბო არგენტინულ შოუ-ბიზნესში ერთ-ერთი ყველაზე მოთხოვნადი სახეა, როგორც მსახიობი და ასევე, როგორც მუსიკოსი. მას ხშირად იწვევენ სატელევიზო შოუებში, თამაშობს კინოში, თეატრში და სერიალებში. მეამბოხე სულების შემდეგ კოლომბოს ყველაზე წარმატებული როლი ეროტიკული ჟანრის სერიალი ორმაგი ცხოვრება იყო.

ანჯელას ბალბიანი - ფელ მიტრე

ანჯელას კარიერა არც მეამბოხე სულებამდე და არც მას შემდეგ ვარსკვლავებს არ ეთამაშებოდა, მიუხედავად იმისა, რომ მას ამის რეალური შანსი ჰქონდა. ის ყოველთვის ეკრანს მიღმა ცხოვრებას ამჯობინებდა და იშვიათად თუ მიდიოდა სტუმრად რომელიმე გადაცემაში. 2007 წლის შემდეგ კი, რაც პირველი შვილი გააჩინა, ანჯელა ბალბიანის შესახებ მხოლოდ წარსულ დროში წერენ და მას კვლავ ფელ მიტრესთან აიგივებენ.

ჟასმინ ვარელა - ლუხან ლინარესი

ჟასმინიც, ისევე როგორც ანჯელა ბალბიანი, დღეს ყველასთვის მხოლოდ ლუხან ლინარესთან ასოცირდება. 2007 წლის შემდეგ, სამსახიობო კარიერაზე ვარელამაც უარი თქვა.

ვიქორია მაურეტე - ვიკო პაზი

ვიქტორია მაურეტი იდეალურად ახერხებს თანაბარი დრო დაუთმოს კარიერასა და ოჯახს. გარდა მსახიობობისა, ის დიდ დროს უთმობს ტელევიზიასაც, მაურეტე ერთ-ერთ არხზე დილის გადაცემის პროდიუსერია.

დიეგო გარსია - მარკუს აგილარი

დიეგოს ვარსკვლავიც მეამბოხე სულების შემდეგ ჩაქრა.

კოკო მაჟიო - ტომას ესკურა

კოკო ამჟამად არგენტინულ სერიალში - მე ქალწული ვარ მონაწილეობს. მის პირად ცხოვრებაზე არგენტინულ პრესას არაფერი უთქვამს.

დიეგო მესალიო - გუიდო ლასენი

დიეგო ტელეეკრანზე იშვიათად ჩანს, მხოლოდ იმ შემთხვევაში, თუ ვინმე მეამბოხე სულებზე სასაუბროდ მიიწვევს. ბოლოს, ეთერში ტრაგიკული შემთხვევის გამო აღმოჩნდა, მსახიობს თვალში სპირტი შეესხა, რის გამოც ერთი თვალით ვეღარ ხედავს. დიეგომ უკვე ექვსი ოპერაცია გაიკეთა, თუმცა ჯერ-ჯერობით ექიმებმა მისთვის მხედველობის დაბრუნება ვერ შეძლეს.

მიქაელა ვასკესი - პილარ დუნოფი

მიქაელა ვასკესი დღეს არგენტინაში ერთ-ერთი ყველაზე მოთხოვნადი მსახიობი და ტელეწამყვანია. ის ერთდროულად ოთხ ტელევიზიასთან თანამშრომლობს - სამი მათგანის სერიალში მონაწილეობს და ერთში გადაცემის წამყვანია. ასევე აქტიურია თეატრშიც.

ინეს პალომბო - სოლ რივაროლა

ინესი არგენტინული ტელევიზიის ვარსკვლავად სწორედ მეამბოხე სულებმა აქცია და სერიალის დასრულების შემდეგ მისი პოპულარობა უფრო და უფრო იზრდებოდა. სულ ცოტა ხნის წინ დასრულდა სერიალი კონფლიქტები, რომელშიც ის მონაწილეობდა, ხოლო ახალ პროექტზე მუშაობა უკვე აქტიურად დაიწყო.

ლიზ მორენო - ლოლა არაგუაია

ლის მორენო და ლოლას პერსონაჟი ჩემთვის შოუს ერთ-ერთი მთავარი კოზირი იყო. ლიზი 2014 წლიდან América TV-ის თანამშრომელია და საკუთარი თოქ-შოუ მიჰყავს. ასევე აქტიურია twitter-ზე, Facebook-სა და youtube-ზე, სადაც საკუთარი ჩენელი აქვს.

კატრინ ფულოპი - სონია რეი

სერიალის მაყურებლებისთვის სონია რეი ერთ-ერთი ყველაზე საყვარელი პერსონაჟი იყო და შეიძლება ითქვას, რომ ხანდახან მისი პოპულარობა ოთხ მთავარ პერსონაჟსაც კი ჩრდილავდა. ამის ერთ-ერთი მთავარი მიზეზი კი რა თქმა უნდა კატრინ ფულოპია. ფულოპი დღეს 51 წლის არის და შეიძლება ითქვას, რომ ქვეყნის ერთ-ერთი წამყვანი მსახიობი და შოუმენია. იწვევენ სერიალებში, აძლევენ მთავარ როლებს, ათამაშებენ თეატრსა და კინოში. აქვს საკუთარი გადაცემა და არის ორი გადაცემის ჟიურის წევრი. ითვლება არგენტინის სექს სიმბოლოდ და ხშირად იღებენ ფლეიბოის ფოტოსესიებში.

არტურო ბონინი - მარსელ დუნოფი

ასე გამოიყურება დღეს იმ სკოლის დირექტორი, რომელში სწავლაზეც ხშირად გვიოცნებია. არტურო ბონინი ამჟამად მხოლოდ თეატრის სცენაზე თამაშობს, ისიც ძალიან იშვიათად.

ბოი ოლმი - სერხიო ბუსტამანტე

პაბლოს მამას რა დაგავიწყებდათ?! მსახიობი ბოი ოლმი არგენტინაში ერთ-ერთი პოპულარული მსახიობია და არ გაგიკვირდებათ თუ გეტყვით, რომ ხშირად უარყოფით როლს ასრულებს. თუმცა, საბედნიეროდ, როგორც ამბობენ ის მზრუნველი მამა, მეუღლე და ბაბუაა.

ჰილდა ბერნარდი - ჰილდა აკოსტა

არგენტინული კინოს, თეატრის, რადიოსა და ტელევიზიის პიონერი, 95 წლის ჰილდა ბერნარდი დღეს ტელეეკრანზე აღარ ჩნდება. თუმცა მისი შესრულებული როლები არაერთხელ გამხდარა კრიტიკოსთა აღფრთოვანების მიზეზი. ჩვენ კი მისი შესრულებული ჰილდა აკოსტა გვახსოვს, მკაცრი, მაგრამ ყველაზე საყვარელი ისტორიის მასწავლებელი.

14 წელი გავიდა მას შემდეგ რაც არგენტინაში ჩვენთვის საყვარელი სერიალი მეამბოხე სულები გადაიღეს.

დრო გავიდა, მსახიობები, რომლებიც გვიყვარდა და რომლებსაც ვბაძავდით, დღეს დიდი-გოგო ბიჭები არიან, ზოგიერთი მათგანი წარმატებულია, ზოგმაც სხვადასხვა მიზეზის გამო უარი თქვა კარიერაზე, მაგრამ ჩვენ დღესაც გვახსოვს და ალბათ სულ გვემახსოვრება ყველა თუ არა, უმეტესობა მათგანი მაინც

მასალის წყარო


გამოხატეთ თქვენი მოსაზრება მოცემულ მასალაზე - კომენტარის სახით.



მიმაგრება: სურათი 1
ნანახია: 83 | დაამატა: nikolozqartveli | ტეგები: meamboxe sulebi, meambokhe sulebi, luisiana lopilato, mia kaluchi, luisana lopilato, მეამბოხე სულები, ლუისიანა ლოპილატო, seriali, სერიალი, არგენტინა | რეიტინგი: 0.0/0
სულ კომენტარები: 0
სახელი *:
Email *:
კოდი *: