გაეცანით ინტერნეტში ყველაზე პოპულარულ მასალებს აქ!
Загрузка...
მთავარი » 2016 » ოქტომბერი » 23 » ვარსკვლავები, რომლებიც ებრძვიან ან დაამარცხეს კიბო / varskvlavebi, romlebic ebrdzvian an daamarckhes kibo
1:46 AM
ვარსკვლავები, რომლებიც ებრძვიან ან დაამარცხეს კიბო / varskvlavebi, romlebic ebrdzvian an daamarckhes kibo






თუ არ იცით რას ნიშნავს, როდესაც ექიმი ონკოლოგიურში გაგზავნით ანალიზებზე, მაშინ გისურვებთ ეს ვერასდროს გაიგოთ. ერთადერთი, რაც ამ დროს თავში გიტრიალებს სიკვდილზე ფიქრია და გეგმავ, რა გინდა მოასწრო სანამ ეს საშინელი სენი ბოლოს მოგიღებს. ამ დროს არ ფიქრობ ანალიზის პასუხზე, რომელიც შეიძლება უარყოფითი იყოს და ვერც იმას აცნობიერებ, რომ იმ შემთხვევაშიც კი, თუ სიმსივნე აღმოგაჩნდა ეს შენი ცხოვრების დასასრულს არ ნიშნავს.

სიცოცხლისთვის ბრძოლას ყოველთვის აქვს აზრი, ამაში ჩვენი საყვარელი ვარსკვლავებიც დაგვარწმუნებენ, რომლებმაც უკვე დაამარცხეს, ან ახლა ცდილობენ დაამარცხონ კაცობრიობის ერთ-ერთი ყველაზე საშინელი დაავადება.

სინტია ნიქსონი

სერიალ სექსი დიდ ქალაქშის ვარსკვლავს სინტია ნიქსონს მკერდის კიბოს დიაგნოზი 2006 წელს დაუსვეს და თავიდანვე გადაწყვიტა ამაზე ღიად ესაუბრა, როგორც თავად ამბობს ამის მიზეზი ამ დაავადების მიმართ გავრცელებული სტიგმები იყო. 2007 წლიდან სინტიამ ძუძუს კიბოსთან ბრძოლის ფონდი ჩამოაყალიბა და NBC-ის პრაიმ-ტაიმში გადაცემაც გააკეთა, რომელიც ამ დაავადების შესახებ მოსახლეობას ინფორმაციას აწვდიდა. მიუხედავად იმისა, რომ სინტია ბოლომდე ჯერ არ გამოჯანმრთელებულა, ის აქტიურად განაგრძობს სამსახიობო კარიერას, მაგალითად, სულ მალე მისი მონაწილეობით ახალი სერიალი რეიგანის მკვლელობა გამოვა, რომელშიც ის პირველი ლედის ნენსი რეიგანის როლს ასრულებს.

მეგი სმიტი

ყველა დროის ერთ-ერთი უდიდესი მსახიობი, მეგი სმიტი 2007 წლიდან მკერდის კიბოს ებრძვის და მოხალისედაც კი მუშაობს - მოსახლეობას ძუძუს კიბოს პრევენციის გზებს აცნობს. მისი ჯერ-ჯერoბით ბოლო ფილმის ქალბატონი ფურგონიდან გადასაღებ მოედანზე, მეგი სმიტი მუდმივად სამედიცინო დაკვირვების ქვეშ იმყოფებოდა, როგორც ამბობენ მისი მდგომარეობა ძალიან მძიმეა, რამდენჯერმე გავრცელდა მისი გარდაცვალების ამბავიც, თუმცა შარშან BAFTA-ს დაჯილდოვების ცერემონიალზე მსახიობი წითელ ხალიჩაზე გამოჩნდა და ერთ-ერთ ინტერვიუში თქვა, რომ ჭორები მისი გარდაცვალების შესახებ ნაადრევია.

ბენ სტილერი

ბენ სტილერს პროსტატის კიბოს დიაგნოზი 2014 წელს დაუსვეს, თუმცა ამავე წელს ოპერაციის შემდეგ, როგორც თავად ამბობს, ის სრულად გამოჯანმრთელდა.

ჰიუ ჯეკმანი

ჰიუ ჯეკმანს ბაზალურ-უჯრედოვანი კიბოს დიაგნოზი 2013 წელს დაუსვეს, მიუხედავად იმისა რომ მას ქირურგიული ჩარევის შედეგად კვანძები ამოაჭრეს, დაავადებამ თავი 2015 წელს ისევ იჩინა. მიუხედავად ამისა, ჰიუ საკუთარ კარიერას არ წყვეტს და წლიდან წლამდე ყველაზე მაღალანაზღაურებადი მსახიობების სიაშიც ხვდება.

მაიკლ დუგლასი

მაიკლს დუგლასს ყელის კიბოს დიაგნოზი 2010 წელს დაუსვეს, მკურნალობა ქიმიოთერაპიითა და დასხივებით მიმდინარეობდა, თუმცა მოგვიანებით მსახიობმა დაადასტურა, რომ კიბომ უკვე მეოთხე სტადიას მიაღწია. დაიწყეს ინტენსიური რვაკვირიანი ქიმიოთერაპიის და დასხივების კურსი. მაიკლმა საკვები მილის გამოყენებაზე უარი თქვა და მხოლოდ სითხის სახით იღებდა საკვებს, შედეგად 20 კილოგრამი დაიკლო. კიბოს გამომწვევ მიზეზად მსახიობმა ალკოჰოლი, სტრესი და სიგარეტი დაასახელა. ხანგრძლივი ბრძოლის შემდეგ დუგლასმა განაცხადა, რომ სიმსივნე დაამარცხა.

ქრიტინა ეპლგეიტი

2008 წლის აგვისტოში კომედიური ფილმების ვარსკვლავს, ქრისტინა ეპლგეიტს მკერდის კიბოს დიაგნოზი დაუსვეს, თუმცა, საბედნიეროდ, ეს ამ დაავადების საწყისი ეტაპი იყო, ოპერაციისა და მკურნალობის შედეგად სულ რამდენიმე კვირაში ქრისტინას ექიმმა გამოაცხადა, რომ მისი პაციენტი კიბოსგან სრულიად განიკურნა.

ქეთი ბეითსი

2003 წელს ქეთი ბეითსმა წარმატებით დაამარცხა საკვერცხეების სიმსივნე, თუმცა 2012 წელს მას მკერდის კიბოს დიაგნოზი დაუსვეს, 2014 წელს კი მას კიდურების სიმსივნის დიაგნოზის დაუდგინდა, ბეითსი უკვე წლებია ცდილობს სიცოცხლისთვის ბრძოლას, როგორც თავად ამბობს, არც ერთ დაავადებას არ დანებდება ბრძოლის გარეშე. "ერთხელ უკვე გავიმარჯვე, ეჭვი არ მეპარება რომ ახლაც მე გავიმარჯვებ, სიცოცხლისთვის ბოლომდე ვიბრძოლებ", თქვა ერთ-ერთ გადაცემაში სტუმრობისას ბეითსმა.

კაილი მინოუგი

კაილი მინუოგს კიბოს დიაგნოზი 2005 წელს დაუსვეს, ამის გამო მომღერალს ტურნეს გაუქმება მოუხდა, რადგან ოპერაცია და ქიმიოთერაპიის კურსი უნდა ჩაეტარებინა. ამ ამბავში, ერთ-ერთი ყველაზე გულისამაჩუყებელი და დიდებული არის ის, რომ როდესაც მომღერლის ჯანმრთელობის მდგომარეობის შესახებ მისმა თაყვანისმცემლებმა გაიგეს, გადაწყვიტეს ჩაშლილი კონცერტის ბილეთების თანხა უკან არ დაებრუნებინათ, მათ ამ გზით მხარდაჭერა გამოუცხადეს მომღერალს.

"როდესაც ექიმებმა დიაგნოზის შესახებ მითხრეს, ფეხებიდან მიწა გამომეცალა. მეჩვენებოდა, რომ უკვე მოვკვდი", ამბობს მომღერალი. კაილის ქიმიოთერაპიის რვათვიანი კურსის გადატანა მოუხდა და დაავადება საბოლოოდ დაამარცხა კიდევაც, რის შემდეგაც სათავეში ჩაუდგა ორგანიზაციას, რომელიც ქალებს ინფორმაციას აწვდის ონკოლოგიური დაავადებების შესახებ.

Anastacia

მომღერალ Anastasia-ს მკერდის კიბოს დიაგნოზი ორჯერ 2003 და 2013 წელს დაუსვეს. პირველად მომღერალი იძულებული გახდა სარძევე ჯირკვალი ამოეკვეთა და მაშინ ექიმებმა დაავადების დამარცხება შეძლეს, თუმცა 2013 წელს მომღერალთან დაავადება კვლავ დაბრუნდა, მან ამჯერადაც დაამარცხა დაავადება და ერთ-ერთ ინტერვიუში თქვა: "არ მისცეთ კიბოს თქვენი დამარცხების უფლება, იბრძოლეთ ბოლო წუთამდე". ამჟამად, მომღერალი სათავეში უდგას ფონდს, რომელიც ქალებს მკერდის კიბოსთან ბრძოლაში ეხმარება.

რობერტ დე ნირო

რობერტ დე ნიროს პროსტატის კიბოს დიაგნოზი 60 წლის ასაკში, 2003 წელს დაუსვეს. "კიბოს აღმოჩენა საწყის სტადიაში მოხდა, ამიტომ ექიმები სრულ გამოჯანმრთელებას ვარაუდობენ", - ამბობდა დე ნიროს აგენტი. საბედნიეროდ მსახიობმა დაავადება დაამარცხა და დღემდე ძალიან აქტიურია საკუთარ პროფესიაში.

დასტინ ჰოფმანი

დასტინს კიბოს დიაგნოზი 2010 წელს დაუსვეს, მრავალწლიანი ბრძოლის შემდეგ 2013 წელს მან დაავადება დაამარცხა.



გამოხატეთ თქვენი მოსაზრება მოცემულ მასალაზე - კომენტარის სახით.



მიმაგრება: სურათი 1
ნანახია: 310 | დაამატა: nikolozqartveli | ტეგები: ქეთი ბეიტსი, ჰოლივუდი, holivudi, Robert De Niro, კიბო, მეგი სმიტი, სერიალი, კინო, რობერტ დე ნირო, Hollywood | რეიტინგი: 0.0/0
სულ კომენტარები: 0
სახელი *:
Email *:
კოდი *: