ამერიკელი პროდიუსერი და სცენარისტი მაიკლ დე ლუკა, რომელიც ოსკარის წლევანდელი დაჯილდოების პროდიუსერია, ჯონ ლენონისა და იოკო ონოს სასიყვარულო ურთიერთობის შესახებ ფილმს გადაიღებს. "ისტორიის ცენტრში ამერიკაში მიმდინარე აქტუალური თემები იქნება: სიყვარული, გამბედაობა, აქტივიზმი და ა.შ. ჩემი მიზანია, თანამედროვე ახალგაზრდებს შთაგონება მივცე, ჰქონდეთ ისეთი წარმოდგენა სამყაროზე, როგორიც თავად სურთ. ჩემთვის დიდი პატივი და პრივილეგიაა ვიმუშაო იოკო ონოსთან [იოკო ონო ფილმის თანაპროდიუსერი იქნება], ენტონი მაკკარტენთან და ჯოშ ბრატმანთან [სცენარის ავტორები] ასეთ მნიშვნელოვან და შთამბეჭდავ ისტორიაზე", - ამბობს დე ლუკა. ლენონმა და იოკომ ერთმანეთი 1966 წელს, ლონდონში გაიცნეს, 3 წლის შემდეგ კი დაქორწინდნენ.