4:42 PM ბლიც ინტერვიუ საკუთარ თავთან. - მარტი. / blic interviu sakutar tavtan. - marti. | ||||||||||||||||
|
მაღიზიანებს – სატვირთო მანქანების ხმა. ვგრძნობ – სანამ მიმატოვებენ, მანამდე ვგრძნობ ამას. მეშინია – იზოლაციის. მნიშვნელოვანი მოვლენების დავიწყების. და გადაყვარებების. ვიცი – რომ მარტოსული ვარ. არ ვიცი - როგორ შეუძლიათ ადამიანებს, ერთმანეთის უარყოფა. შემიძლია – ადამიანი ადვილად შემიყვარდეს. არ შემიძლია – შეყვარების შემდეგ გადაყვარება. ვმეგობრობ – სევდიან ადამიანებთან. ვაპატიებ – ყველაფერს. თუ დაბრუნდება. ვიცინი – პაროდიებზე. ვტირი – როცა ტკივილებზე ვფიქრობ. ვეძებ – სულიერ მოკავშირეს. ღირსი ვარ – ზოგჯერ მგონია, რომ რაც მჭირს, ყველაფრის ღირსი ვარ. ვჩხუბობ – როცა ცდილობენ, ის გამაკეთებინონ, რაც არ მინდა. ვკარგავ – ადამიანებს. მშურს – ბოროტი განზრახვით არავის. ვემალები – შორეულ ნათესავებსა და ნაცნობებს. ვემტერები – არავის. მაინტერესებს – იაპონური კულტურა. მისტიური, აბსტრაქტული მოვლენები. არ მაინტერსებს – პოლიტიკა. მახსოვს – როგორ ველოდებოდი ჩემი ძმის დაბადებას. მრცხვენია – საცურაო კოსტუმის ჩაცმის.  უარვყოფ – დოგმატურ იდეოლოგიას. ვავადმყოფობ – ფიზიკურად თითქმის არასდროს... ვმალავ – შინაგანი სამყაროს იმ დეტალებს, რაც მხოლოდ ჩემია. ვინახავ – ნაჩუქარ ნივთებს. ფოთლებს. გამხმარ ყვავილებს. მატარებლის ბილეთებს. მწამს – რომ ერთ მთლიან ადამიანს და ხელების ჩაჭიდებას დიდი ძალა აქვს. მიკვირს – როგორ შეუძლიათ ადამიანებს გრძნობების დავიწყება. მიხარია – როცა წერილს მწერენ; როცა მეუბნებიან, რომ გაზაფხული ვარ. ვჭორაობ – არასდროს ვჭორაობ. ვდარდობ – ურთიერთობებზე, რომლებმაც ფორმა იცვალეს. ვამაყობ – მგონი არაფრით. ვაკეთებ – ვენეგრეტს, ყოველი დღესასწაულის წინ. ^^ ვეფერები – საყვარელი ადამიანის თითებს. მსიამოვნებს – ზაფხულის წვიმაში სირბილი. მესიზმრება – ძირითადად არასასიამოვნო სიზმრები. ვეხმარები – ადამიანებს ემოციურად. ვეწევი – თავისუფალი აზროვნების პროპაგანდას. : ) მწყინს -- როცა ადამიანებს ჩემ მიმართ ემოციები უქრებათ. ვხარჯავ – დროს წუხილში. ვღალატობ – ზოგჯერ საკუთარ თავს. ვკამათობ – იმ ადამიანებთან, რომლებიც სხვებსა და მოვლენებს ცალმხრივად განიხილავენ. ვუხეშობ – საერთოდ, მგონი უხეში ვარ. პირდაპირობის გამო გამომდის ასე. : ) ვუსმენ – გულისცემას. ვყოყმანობ – როცა რამეს ვყიდულობ. ვკითხულობ – დეტექტივების, ისტორიული წიგნებისა და პოლიტიკური სტადიების გარდა თითქმის ყველაფერს. ვამზადებ – მოხარშულ მაკარონს წიწაკით, ხახვითა და ტომატით. ვუყურებ – წასული ადამიანების ზურგს. ვკლავ – კოღოს, აფექტურ მდგომარეობაში, როცა ძალიან მწარედ მკბენს. ვაფუჭებ – ურთიერთობებს. ვცხოვრობ – საკუთარი წარსულით. ვყვირი – როცა ტკივილი დამანგრეველია. მაგრამ ჩუმად. ვმღერი – ქუჩაში. ჩემთვის. ვასრულებ – პირობებს არ ვდებ. დავდივარ – ჩქარი ნაბიჯებით. ვმკურნალობ – ვერ ვმკურნალობ... ვერიდები – ზედმეტად ხალხმრავალ ადგილებს. ჭკუამხიარულ ადამიანებს. ვთამაშობ – ახლა აღარ, ბავშვობაში ფეხბურთს ვთამაშობდი. ვიტყუები – როცა ვამბობ: "კარგად ვარ." ვეთაყვანები – არავის ვცემ თაყვანს. ვგიჟდები – მანდარინის სუნზე. და ზურგიდან ჩახუტებაზე. მიყვარს – მელანქოლიური ადამიანები; გაზაფხული; მიტოვებულ ადგილებში სიარული. ვოცნებობ – ვიპოვნო სიმშვიდე; მოვინახულო იაპონიის მთები. ვფიქრობ – ადამიანებზე, რომლებმაც მიმატოვეს. მძულს – ცინიზმი. ვნანობ – როცა ადამიანებს ახლოს ვუშვებ. კმაყოფილი ვარ – მგონი, სულ უკმაყოფილო ვარ. მენატრება – ძველი ურთიერთობები. ჩემი ბავშვობის საქანელა. მსურს – დავწერო წიგნი. ვაგროვებ – ყველა ნივთს, რომელიც კონკრეტულ ადამიანს, მოვლენას მახსენებს. ვიხდი – ტანსაცმელს. განსხვავებით ტკივილებისგან. ვეჭვიანობ – როცა "მე" ვიყავი და მერე "სხვა" ჩნდება. ვკაიფობ – არ ვკაიფობ. ვიზიდავ – უცნაურ და სევდიან ადამიანებს. ვალამაზებ - მგონი პირიქით - ყველაფერს ვამახინჯებ.
| გამოხატეთ თქვენი მოსაზრება მოცემულ მასალაზე - კომენტარის სახით.მიმაგრება: სურათი 1
|
გაეცანით მსგავს მასალებს ტეგების მიხედვით
Загрузка...
| ||||||||||||||
