5:41 PM ემზარ კვიციანი - კანონებში პატარა კავკასიურიც დავტოვოთ, თორემ დაინგრევა ჩვენი ოჯახები / emzar kviciani - kanonebshi patara kavkasiuric davto | ||||||||||||||||||
|
„რაც არ უნდა ევროპელები ვიყოთ, მაინც კავკასიელები ვართ. პატარა კავკასიური კომპონენტიც დავტოვოთ კანონებში,თორემ დაინგრევა ჩვენი ოჯახები “, - ამის შესახებ ფრაქცია „საქართველოს პატრიოტების“ წევრმა ემზარ კვიციანმა პარლამენტში საკომიტეტო სხდომაზე განაცხადა, სადაც „ქალთა მიმართ ძალადობისა და ოჯახში ძალადობის პრევენციისა და აღკვეთის ღონისძიებების“ შესახებ კანონპროექტზე მსჯელობენ. მისი თქმით, ბოლო დროს ბევრი ოჯახი ინგრევა, ამას კი ხშირად კანონები უწყობს ხელს. დეპუტატმა აქვე განმარტა, რომ არ არსებობს ოჯახი, სადაც არ კამათობენ. „ბოლო დროს ვხედავთ, ბევრი ოჯახი ინგრევა. 10 ოჯახიდან 4 დანგრეულია. ძალიან ხშირად ამას კანონები უწყობს ხელს. მაგალითად ერთი ასეთი კანონია, იჩხუბა ცოლ-ქმარმა, იკამათა... არ არსებობს ოჯახი, სადაც კამათი არ არის, მივიდნენ იუსტიციაში, სადაც 5 დღეში მისცეს საბუთი და დააშორა ერთმანეთს. პატარა კავკასიური კოპონენტიც ჩავტოვოთ ამ კანონებში, თორემ არაფერი გამოვა, დაინგრევა ჩვენი ოჯახები. პატარა კომპონენტი ჩასატოვებელია, როგორც ჩვენში, ასევე კანონებშიც, თორემ არაფერი გამოვა“, - აღნიშნა ემზარ კვიციანმა.
| გამოხატეთ თქვენი მოსაზრება მოცემულ მასალაზე - კომენტარის სახით.მიმაგრება: სურათი 1
|
გაეცანით მსგავს მასალებს ტეგების მიხედვით
Загрузка...
| ||||||||||||||||
