1:19 PM Tbilisi Newcomers-ის მეორე ეტაპზე გადასული მუსიკალური პროექტები ცნობილია | |||||||||||||||
|
Tbilisi Newcomers-ის შოუქეისზე, რომელიც ილიაუნის თეატრში 5 ივნისს გაიმართება, ალთერვიჟენ ჯგუფის პროდიუსერები 18 მუსიკალურ პროექტს მოისმენენ ცოცხლად. ყოველწლიურ მუსიკალურ პროექტში, Tbilisi Newcomers, რომელსაც წელს ალთერვიჟენ ჯგუფი, ილიას სახელმწიფო უნივერსიტეტთან ერთად აკეთებს, მონაწილეობის სურვილი 38-მა მუსიკოსმა და ბენდმა გამოთქვა. ჩანაწერების მოსმენის შედეგად 18 პროექტი შეირჩა. 5 ივნისს, ილიაუნის თეატრში, ბენდების და მუსიკალური პროექტების ცოცხლად მოსმენის შემდეგ, ალთერ ვიჟენ ჯგუფის პროდიუსერები დაასახელებენ 10 პროექტს, რომელიც ფინალურ კონცერტში მიიღებს მონაწილეობას. Tbilisi Newcomers 2017-ის ფინალური კონცერტი 10 ივნისს, ლისის ტბაზე, ილიაუნის დაბადების დღეზე გაიმართება. სწორედ ილიაუნის დაბადების დღის სცენაზე დასახელდება 2017 წლის საუკეთესო ნიუქამერები, რომლებიც ამიერკავკასიის ყველაზე დიდ მუსიკალურ ფესტივალში დაუკრავენ ისეთ მუსიკოსებთან ერთად, როგორებიცაა: Archive, Anathema, Leningrad, Sevdaliza, Soft Eject, ნინო ქათამაძე & INSIGHT, OXIA, ALEX.DO, RIPPERTON და კიდევ 50-მდე ადგილობრივი და უცხოელი მუსიკოსი. TBILISI NEWCOMERS 2017-ის SHOWCASE-ზე გასული 18 პროექტი: ფარღალალა Evergreen Dream is my reality Lie For You WiFi Blue Violence NastyFox Killages Mind Process Harry Rules The Nali Le Vancho Unlimited Infadus Hippocrate D.A. Klapperbein Tbilisi Newcomers ახალი ბენდებისა და მუსიკალური პროექტების აღმოჩენას ემსახურება. პროექტი 2009 წლიდან მოყოლებული ტარდება, ამიერკავკასიის ყველაზე დიდი მუსიკალური ფესტივალის, Tbilisi Open Air-ის ფარგლებში. Tbilisi Newcomers ქართული ალტერნატიული სცენის განვითარებას უწყობს ხელს. ცხრა წლის განმავლობაში პროექტში მონაწილეობის სურვილი ათასამდე ქართულმა ბენდმა და მუსიკოსმა გამოთქვა. Tbilisi Newcomers ყოველწლიურად ავლენს წლის საუკეთესო ნიუქამერ ბენდს, რომელიც Tbilisi Open Air-ზე უცხოელ და ქართველ არტისტებთან ერთად გამოვა.
| გამოხატეთ თქვენი მოსაზრება მოცემულ მასალაზე - კომენტარის სახით.მიმაგრება: სურათი 1
|
გაეცანით მსგავს მასალებს ტეგების მიხედვით
Загрузка...
| |||||||||||||
