1:53 PM „მამა მია“ 10 წლის შემდეგ ბრუნდება / „Mamma Mia“ 10 tsclis shemdeg brundeba | |||||||||||||||
|
ამ ფილმს თამამად შეუძლია, იტრაბახოს არაჩვეულებრივი მსახიობების გუნდით. თითქმის ათი წლის წინ გამოვიდა და მსოფლიოს მასშტაბით საკმაოდ დიდი შემოსავალი დაუფიქსირდა. კრიტიკოსებს გულწრფელად უკვირდათ, რატომ არ იღებდნენ გაგრძელებას. შეგვიძლია, გაგახაროთ და გითხრათ, რომ გაგრძელება იქნება. მეორე ნაწილში მსახიობთა ძირითადი შემადგენლობა უცვლელია. რამდენიმე ახალი მსახიობის გამოჩენაა მოსალოდნელი. შემქმნელები ასევე აცხადებენ, რომ გარანტირებულია ABBA-ს სიმღერების ახალი ტრეკლისტი - ჯგუფის უკვე ცნობილი უკვდავი ჰიტების ფონზე. მოქმედების ადგილი კვლავ უცვლელი რჩება. ხმელთაშუაზღვის კუნძულის არაჩვეულებრივი ბუნება, ქუჩები, სანაპიროები, ბევრი მუსიკა და საყვარელი მსახიობები - ეს დაუვიწყარი დღესასწაული იქნება როგორც გადამღები ჯგუფისთვის, ისე მაყურებლისთვის. „Mamma Mia!“-ს მეორე ნაწილი 2018 წლის 20 ივლისს გამოვა, პირველი ნაწილის გამოსვლიდან ზუსტად 10 წლის და ორი დღის შემდეგ. მაშ ასე - მერილ სტრიპი, კრისტინ ბარანსკი, პირს ბროსნანი და კოლინ ფერტი ამ არაჩვეულებრივი მუსიკალური ფილმით გვიბრუნდებიან! ავტორი: ნინო მენთეშაშვილი
| გამოხატეთ თქვენი მოსაზრება მოცემულ მასალაზე - კომენტარის სახით.მიმაგრება: სურათი 1
|
გაეცანით მსგავს მასალებს ტეგების მიხედვით | |||||||||||||
