3:17 PM ტეხასში შშმ პირებისათვის განკუთვნილი პირველი აკვაპარკი გაიხსნა / tekhasshi shshm pirebisatvis gankutvnili pirveli akvaparki gaikhsna | |||||||||||||||
|
ზაფხული მოვიდა და ბავშვებისათვის ერთ-ერთი საუკეთესო გართობისა და გაგრილების საშუალება რაც შეიძლება მეტი წყალია. სწორედ ამიტომ მსოფლიოს სხვადასხვა კუთხეში უამრავი აკვაპარკი გაიხსნა, რომლებიც დასვენებას მოწყურებულ პატარა თუ დიდ სტუმრებს მოუთმენლად ელიან. სამწუხაროდ ამ პარკების აბსოლუტური უმრავლესობა არ არის გათვლილი განსაკუთრებული საჭიროების მქონე პირებისათვის, რადგან მათ არ აქვთ შესაბამისი ინფრასტრუქტურა, რომელიც სტუმრების სრულფასოვან დასვენებას უზრუნველყოფდა. Morgan’s Wonderland კი პირველი აკვაპარკია, რომლის ხელმძღვანელობამაც თითოეული ბავშვის გაბედნიერება დაისახა მიზნად და პირველი ინკლუზიური პარკის ტიტულიც მოიპოვა. დიახ, შშმ პირებისათვის განკუთვნილი პირველი აკვაპარკი ტეხასში უკვე გაიხსნა და აქ მშობლები, ექიმები და პარკის თანამშრომლები, სრულიად უსასყიდლოდ, ერთად ზრუნავენ ბავშვების უსაფრთხოებასა და ჯანმრთელობაზე, ასევე თითოეული მათგანის მიზანია, ბავშვებმა დაუვიწყარი და განუმეორებელი შთაბეჭდილებები მიიღონ და დაისვენონ. იმედი ვიქონიოთ, რომ სულ მალე ასეთი პარკი საქართველოშიც გაიხსნება და ადაპტირებულ გარემოში ყველა შეძლებს ზაფხულის ცხელ დღეებში, გაგრილებასა და დაუვიწყარ გართობას. დანარჩენი ფოტოები შეგიძლიათ იხილოთ აქ
| გამოხატეთ თქვენი მოსაზრება მოცემულ მასალაზე - კომენტარის სახით.მიმაგრება: სურათი 1
|
გაეცანით მსგავს მასალებს ტეგების მიხედვით | |||||||||||||
