ელტონ ჯონის კონცერტები საქართველოში გადაიდო / elton jonis koncerytebi saqartveloshi gadaido
ლეგენდარული ბრიტანელი მუსიკოსის, ელტონ ჯონის კონცერტები საქართველოში, რომელიც მომღერალს 16-17 სექტემბერს უნდა გაემართა „ბლექ სი არენაზე“, გადაიდო. გავრცელებული ინფორმაციის თანახმად, კონცერტები, ელტონ ჯონის ჯგუფის წევრის ჯანმრთელობის მდგომარეობის გამო აღარ ჩატარდება. ორგანიზატორების განცხადებით, ელტონ ჯონის კონცერტები საქართველოში 2018 წლის 30 ივნისსა და 1 ივლისს გაიმართება და ამასთან დაკავშირებით ისინი მუსიკოსს უკვე ოფიციალურად შეუთანხმდნენ.
