კონსტიტუციის 155-ე მუხლის ამოქმედებას ესპანეთის სენატმა მხარი დაუჭირა, რომლის მიხედვითაც კატალონიის ავტონომიური მმართველობა მადრიდის მთავრობას დაექვემდებარება. ამის შესახებ ინფორმაციას rt – ავრცელებს.

უახლოეს დროში, ესპანეთის პრემიერმინისტრი მარიანო რახოი მინისტრთა კაბინეტის საგანგებო სხდომას გამართავს, რათა გადაწყდეს ზომები, რომლებსაც კატალონიასთან მიმართებით გამოიყენებენ.

ესპანეთის პრემიერის თქმით, კატალონიაში მადრიდის პირდაპირი მმართველობაა საჭირო, რათა რეგიონში „კანონიერება, დემოკრატია და სტაბილურობა“ დაბრუნდეს.

რამდენიმე წუთის წინ კატალონიის რეგიონალურმა პარლამენტმა დამოუკიდებლობის დეკლარაცია დაამტკიცა.