8:55 PM "შანელი" და "გუჩი" თავიანთი შოუებისთვის არასტანდარტულად გამხდარ მოდელებს აღარ გამოიყენებენ / "shaneli" da "guchi" tavianti shouebis arastand | |||||||||||||||
|
მსოფლიოს მოდის ინდუსტრიის ორმა ლიდერმა, „შანელის“ და „გუჩის“ სამოდელო სახლებმა განაცხადეს, რომ ისინი თავიანთი შოუებისთვის აღარ გამოიყენებენ არასტანდარტულად გამხდარ მოდელებს. მოდელები, რომლებიც ფრანგული ზომით 32-ს, ხოლო ამერიკული ზომით 0-ს არ აღემატებიან აღარ იქნებიან დაშვებულები ამ ორი კომპანიის სამოდელო ბიზნესში. ასევე სამოდელო სახლებმა განაცხადეს, რომ 16 წლამდე მოდელები აღარ მიიღებენ მონაწილეობას ზრდასრულთა ტანსაცმლის ჩვენებაში. სამოდელო სახლებმა ეს გადაწყვეტილება იმის შემდგომ მიიღეს, რაც სამოდელო ინდუსტრიამ კრიტიკის ქარცეცხლში გაიარა და პრესამ სამოდელო სახლები მოდელების კვების რეჟიმის დარღვევაში დაადანაშაულა. განსაკუთრებული სკანდალი მოჰყვა შარშან დანიელი მოდელის, ურლიკე ჰოიელის მიერ შიმშილის იძულებაში „ლუი ვიტონის“ დადანაშაულებას. მოდელის განცხადებით, ერთ-ერთი შოუსთვის მოსამზადებლად მას ფაქტობრივად შიმშილს აიძულებდნენ. „ლუი ვიტონმა“ ეს ბრალდება უარყო. „შანელი“ და „გუჩი“, იმედოვნებენ რომ მათ ამ ნაბიჯს სამოდელო ინდუსტრიაში ბევრი მიბაძავს.
| გამოხატეთ თქვენი მოსაზრება მოცემულ მასალაზე - კომენტარის სახით.მიმაგრება: სურათი 1
|
გაეცანით მსგავს მასალებს ტეგების მიხედვით
Загрузка...
| |||||||||||||
