0:04 AM გაიცანით დისნეის ახალი პრინცესა, მულანის როლს ლუ იუფეი შეასრულებს / gaicanit disneis akhali princesa, mulanis rols lu iufei sheasrulebs | |||||||||||||
დისნეიმ ოფიციალურად დაადასტურა, რომ ახალი პრინცესა ჰყავს. 1998 წელს გამოსული ანიმაციური ფილმის ახალ ვერსიაში, მულანის როლს ჩინელი მსახიობი ლუ იუფეი შეასრულებს. პროდიუსერებმა და რეჟისორმა ერთი წლის განმავლობაში ჩინეთში ერთ-ერთი ყველაზე მასშტაბური კასტინგი ჩაატარა, საბოლოო ჯამში კი იუფეი ათასზე მეტ გოგოს შორის ამოირჩა. 30 წლის ლუ შოუ-ბიზნესში პირველად 2002 წელს გამოჩნდა და დღეს უკვე ჩინეთის ერთ-ერთ ყველაზე პოპულარულ მსახიობად ითვლება. გარდა მსახიობობისა ის მღერის და სამოდელო საქმიანობითაც არის დაკავებული. მულანი დისნეის 1998 წელს გამოშვებული ანიმაციური ფილმია, რომელმაც კომპანიას $300 მილიონზე მეტი მოგება მოუტანა. ანიმაციური ფილმი ეფუძნება ჰუა მულანის ჩინურ ლეგენდას, რომელიც ხალხური პოემის გმირი იყო. ფილმის პრეიერა 2019 წლის ზამთარშია დაგეგმილი.
| გამოხატეთ თქვენი მოსაზრება მოცემულ მასალაზე - კომენტარის სახით.მიმაგრება: სურათი 1
|
გაეცანით მსგავს მასალებს ტეგების მიხედვით
Загрузка...
|