ცნობილი რუსი საოპერო მომღერალი დმიტრი ხვოროსტოვსკი 56 წლის ასაკში ხანგრძლივი ავადმყოფობის შემდეგ გარდაიცვალა.

2015 წლის ივნისში მომღერალმა, რომელიც დიდი ხნის განმავლობაში ლონდონში ცხოვრობდა, განაცხადა რომ თავის ტვინის სიმსივნით იყო დაავადებული.

გავრცელებული ინფორმაციით, ხვოროსტოვსკის მოსკოვში ნოვოდევიჩის სასაფლაოზე დაკრძალავენ.

დმიტრი ხვოროსტოვსკის საყოველთაო აღიარება 1989 წელს ბრიტანეთის ქალაქ კარდიფში BBC-ის სატელევიზიო კონკურსში „მსოფლიო მომღერალი“ გამარჯვებამ მოუტანა, რა დროსაც მას „საუკეთესო ხმის“ ტიტული მიენიჭა და მთავარი პრიზიც გადაეცა.