გაეცანით ინტერნეტში ყველაზე პოპულარულ მასალებს აქ!
Загрузка...
მთავარი » 2018 » ივნისი » 7 » 8 ივნისს თეა წულუკიანის გადადგომის მოთხოვნით აქცია გაიმართება / 8 ivniss tea tsulukianis gadadgomis motkhovnit aqcia gaimarteba
6:00 PM
8 ივნისს თეა წულუკიანის გადადგომის მოთხოვნით აქცია გაიმართება / 8 ivniss tea tsulukianis gadadgomis motkhovnit aqcia gaimarteba






ფეისბუქჯგუფი "თავისუფლებისთვის" საქართველოს იუსტიციის მინისტრის გადადგომის მოთხოვნით 8 ივნისს აქციას გამართავს. აქცია იუსტიციის სახლთან 19 საათზე გაიმართება.

"დაუყოვნებლივ გადადგეს თეა წულუკიანი და ახალი, საზოგადოების ნდობით აღჭურვილი პროკურორობის კანდიდატები წარადგინოს ახალმა იუსტიციის მინისტრმა, ფართო საზოგადოებრივი ჩართულობის და კონსესუსის შედეგად!", - აცხადებენ ორგანიზატორები.

მიზეზები, რის გამოც ითხოვენ წულუკიანის გადადგომას:

იუსტიციის მინისტრი არის პერსონალურად პასუხისმგებელი სასამართლო სისტემის რეფორმაზე, რომელიც არ განხორციელდა;
იუსტიციის მინისტრმა არ იზრუნა დამოუკიდებელი საგამოძიებო ორგანოს ჩამოყალიბებაზე, რომელიც გამოიძიებდა სამართალდამცველთა მიერ ჩადენილ დანაშაულებს;
იუსტიციის მინისტრმა მთავარ პროკურორ შოთაძეს მადლობა გადაუხადა კარგად შესრულებული საქმიანობისთვის მისი გადადგომის შემდეგ;
იუსტიციის მინისტრის მიერ შერჩეულმა ოთხიდან ვერც ერთმა მთავარმა პროკურორმა ვერ იმუშავა დამოუკიდებლად;
თეა წულუკიანი არ აღიარებს და პატივს არ სცემს სასამართლო ხელისუფლებას! ის არ აღასრულებს სასამართლოს გადაწყვეტილებებს გახმაურებულ საქმეებზე, იყენებს ინსტიტუციურ მექანიზმებს პირადი მიზნებისთვის, უკანონოდ ათავისუფლებს თანამშრომლებს სამსახურიდან;
იუსტიციის მინისტრმა არამიზნობრივად გაზარდა საშტატო ერთეულთა რაოდენობა იუსტიციის სისტემაში და პარტიული აქტივისტებით გაავსო სამინისტრო;
თეა წულუკიანს არ აქვს იურისტის დიპლომი;
სტრასბურგმა ორჯერ დაუწუნა მოსამართლეთა სია;
წაგებული აქვს თითქმის ყველა საქმე საერთაშორისო დონეზე;
იუსტიციის მინისტრს უნდობლობა გამოუცხადა არასამთავრობო სექტორმა.
აქციის ორგანიზატორები მიიჩნევენ, რომ პროკურატურის მიმართ ნდობისა აღსადგენად, აუცილებელია, მთავარ პროკურორად შეირჩეს პირი, რომელიც არ არის აფილირებული მმართველ პარტიასთან და სარგებლობს მაღალი საზოგადოებრივი ნდობით.

"ზემოთ ჩამოთვლილი მიზეზების გამო, დარწმუნებულები ვართ, რომ თეა წულუკიანი ვერ შეარჩევს დამოუკიდებელ პროკურორს, სწორედ ამიტომ, ვითხოვთ იუსტიციის მინისტრის დაუყოვნებლივ გადადგომას და ახალი იუსტიციის მინისტრის შერჩევას სამოქალაქო საზოგადოებრივი კონსესუსის შედეგად, მისი წინამორბედის შეცდომებისა და ნაკლოვანებების გათვალისწინებით", - მიაჩნიათ აქციის ორგანიზატორებს.

მასალის წყარო


გამოხატეთ თქვენი მოსაზრება მოცემულ მასალაზე - კომენტარის სახით.



მიმაგრება: სურათი 1
ნანახია: 59 | დაამატა: nikolozqartveli | ტეგები: თეა წულუკიანი, თავისუფლებისთვის, tavisuflebistvis, tea tsulukiani, aqcia, tea culukiani, tea wulukiani, იუსტიციის სამინისტრო, აქცია, iusticiis saministro | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]

გაეცანით მსგავს მასალებს ტეგების მიხედვით





Загрузка...