მიხეილ სააკაშვილის მოწოდებას, რომ მოქალაქეებმა არ აღიარონ არჩევნების შედეგები ნაციონალური მოძრაობის წევრი, ნიკა მელია გამოეხმაურა და აღნიშნა, რომ ამაზე გაერთიანებულმა ოპოზიციამ უნდა მოითათბიროს.

მელია ამბობს, რომ გაერთიანებულ ოპოზიციაში ბევრი სუბიექტია და ეს არ აძლევთ საშუალებას, რომ შეუთანხმებლად გაავრცელონ განცხადება.

სააკაშვილმა ორი ეგზიტპოლის შედეგების გამოქვეყნების შემდეგ, რომლის მიხედვთაც სალომე ზურაბიშვილი იმარჯვებს განაცხადა, რომ ხვალიდან ქვეყნის მასშტაბით მასობრივ ქმედებებს იწყებენ.

საქართველოს ყოფილმა პრეზიდენტმა ასევე თქვა, რომ ხელისუფლებას მშვიდობიანად შეუტევს, რადგან ეს არის ღირსების, თავმოყარეობისა და თავისუფლების საკითხი.