ქართული ჰიპ ჰოპის ერთ-ერთი პიონერი, აკაკი ბაბუნაშვილი, სასცენო სახელით შავი პრინცი, 47 წლის ასაკში გარდაიცვალა. ამის შესახებ ინფორმაცია ვეტერანმა რეპერმა, ჯერონიმომ ფეისბუქზე გაავრცელა. არტისტის ოჯახის თქმით, სიკვდილის მიზეზი თირკმელებთან დაკავშირებული პრობლემები გახდა.

შავმა პრინცმა მუსიკალური კარიერა 1990-იანი წლების დასაწყისში ქუთაისში დაიწყო. 1993 წელს მან ჰიპ ჰოპ კოლექტივი "ძებნილები" შექმნა, 1999 წელს კი სადებიუტო ალბომი "იძებნება" გამოუშვა, რომელიც ასევე "დაამტვრიე როკის" სახელითაა ცნობილი. რეპერს პოპულარობა ისეთმა კომპოზიციებმა მოუტანა, როგორებიცაა: "ჩემი ძმები", "შიმშილი", "ბაბე", "შენი მეგობარი ქალი", "მი ბანდიტო", "ავიარე ჩავიარე", "მუღამი მაქვს შენი" და სხვა. არტისტი ასევე ფსევდონიმით Prince P მოღვაწეობდა.



შეგიძლიათ გაეცნოთ მის შემოქმედების მცირე ნაწილს მოცემული ბმულით — PopMusic.Ge

... ... ...