გაეცანით ინტერნეტში ყველაზე პოპულარულ მასალებს აქ!
Загрузка...
მთავარი » 2019 » აგვისტო » 1 » კრეატიული გონება გსურთ? — იმოგზაურეთ! / kreatiuli goneba gsurt — imogzauret!
10:13 AM
კრეატიული გონება გსურთ? — იმოგზაურეთ! / kreatiuli goneba gsurt — imogzauret!






მოგზაურობას უამრავი ბენეფიტი აქვს: ახალი მეგობრები, გამოცდილებები, თავგადასავლები და ისტორიები. თუმცა, სხვა ქვეყანაში სულ ცოტა ხნით ცხოვრებას შესაძლოა ერთი შეხედვით ნაკლებად შესამჩნევი სარგებელი ჰქონდეს: მეცნიერთა ნაწილი ფიქრობს, რომ მოგზაურები უფრო კრეატიულები არიან.

მწერლები და ფილოსოფოსები დიდი ხნის განმავლობაში ეძებდნენ მუზას მოგზაურობის დროს. მაგალითად, ერნესტ ჰემინგუეიმ შემოქმედების დიდი ნაწილი ესპანეთსა და საფრანგეთში ყოფნის დროს დაწერა. 1869 წელს, მარკ ტვენმა ხმელთაშუა ზღვაში მოგზაურობისას დაწერა The Innocents Abroad, რომელშიც წერს, რომ "მოგზაურობა კლავს ფანატიზმს, ვიწრო-მსოფლმხედველობასა და ცრურწმენებს".

ბოლო წლების განმავლობაში, ფსიქოლოგები და ნეირომეცნიერები იკვლევენ, რა გავლენას ახდენს უცხო ქვეყნების მონახულება ადამიანებზე და ცვლის თუ არა ის ფსიქიკას. რეალურად, შემოქმედებითობა ტვინის მოქმედებასა და ნეიროპლასტიურობაზეა დამოკიდებული, ამ უკანასკნელზე კი გავლენას ახდენს გარემო და ჩვევები. ისინი მგრძნობიარეები არიან ისეთ ცვლილებებზე, როგორიცაა ახალი ხმები, სუნი, გემო, ენა, აღმოჩენები. განსხვავებული გარემოს ზემოქმედებით, სინაფსები, ანუ ნერვული დაბოლოებები გონებას გამოცოცხლებაში ეხმარებიან.

"უცხოური გამოცდილებები ზრდიან როგორც კოგნიტურ მოქნილობას, ასევე აზროვნების სიღრმესა და განსხვავებული აზრების დაკავშირების უნარს", — ამბობს ადამ გალინსკი, კოლუმბიის ბიზნეს სკოლის პროფესორი და მოგზაურობისა და კრეატიულობის კორელაციაზე სხვადასხვა კვლევის ავტორი.

მისი თქმით, ამ პროცესში გადამწყვეტია მულტიკულტურული გაცნობები, ურთიერთობები და შეგუება.

"ის, ვინც უცხოეთში ცხოვრობს და იქაურ კულტურას არ ეცნობა, ნაკლებად განვითარდება შემოქმედობითობის მხრივ, მათგან განსხვავებით, ვინც თან მოგზაურობს და თან ადგილობრივ გარემოსთან ადაპტაციასაც ახერხებს", — დასძენს ის.

სხვა სიტყვებით რომ ვთქვათ, ერთი კვირით რომელიმე ქალაქის მონახულებით ადამიანი უფრო კრეატიულ პიროვნებად ვერ იქცევა, თუმცა უცხო ქალაქში რაღაც პერიოდით გადასვლით და ადგილობრივების ცხოვრების წესის მიღებით — ეს შესაძლებელია.

ჟურნალ Academy of Management-ში გამოქვეყნებული კვლევის მიხედვით, გალინსკიმ და მისმა 3-კაციანმა გუნდმა 270 მაღალი მოდის სახლები შეისწავლეს. ისინი ეძებდნენ კავშირს ორ მოვლენას შორის: 1. მუშაობდნენ თუ არა კრეატიული დირექტორები უცხოეთში; 2. რამდენად შემოქმედებითად ინოვაციური იყო ესა თუ ის მოდის სახლი.

მოდის პროდუქტის კრეატიულობას ჟურნალისტები და დამოუკიდებელი მყიდველები აფასებდნენ. მკვლევარები არ გაოცებულან, როდესაც მტკიცე ურთიერთკავშირი იპოვეს უცხოეთში გატარებულ დროსა და შემოქმედებას შორის. ის ბრენდები, რომელთა კრეატიული დირექტორებიც უცხოეთში მუშაობდნენ და ცხოვრობდნენ, უფრო კრეატიულ მოდის კოლექციებს ქმნიდნენ, ვიდრე ისინი, ვისაც ეს გამოცდილება არ ჰქონდა.

მკვლევარებმა ასევე დაასკვნეს, რომ რაც უფრო მეტ ქვეყანაში ცხოვრობდნენ ხელოვანები, მათი ნამუშევრები უფრო და უფრო ხარისხიანი ხდებოდა. მაგალითად, ისინი, ვინც სამ ქვეყანაში ცხოვრობდა ან მუშაობდა, ყოველი კოლექცია უფრო და უფრო კრეატიული ჰქონდა. კვლევის ავტორები დასძენენ, რომ ასეთი ადამიანები საკუთარ თავს კონკრეტული კულტურის ნაწილად ნაკლებად აღიქვამენ.

მოგზაურობას გონებისთვის სხვა სარგებელიც შეიძლება ჰქონდეს. სამხრეთ კალიფორნიის უნივერსიტეტში, ფსიქოლოგიისა და განათლების პროფესორი მერი ჰელენ იმორდინო-იანგი ამბობს, რომ კულტურული გამოცდილებები ადამიანებს საკუთარი თავის გაძლიერებაში და აღქმაში ეხმარება.

თუ უცხო კულტურის გაცნობას და ახალი ქვეყნების მონახულებას გადაწყვეტთ, არ დაგავიწყდეთ შეიძინოთ იმედი L-ის სამოგზაურო დაზღვევა ონლაინ.

მასალის წყარო


გამოხატეთ თქვენი მოსაზრება მოცემულ მასალაზე - კომენტარის სახით.



მიმაგრება: სურათი 1
ნანახია: 26 | დაამატა: nikadzamiashvili | ტეგები: mountains, travel, creative, მოგზაურობა, ტვინი. აზროვნება, seascape, კრეატიულობა, nature, mogzauroba, კრეატივი, tvini, Traveler, მდელო, სამოგზაურო, mogzauri, kreatiuli, ზღვა, მთა, მოგზაური, samogzauro, kreatiuloba, Landscapes, ბუნება, bineba, azrovneba | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]

გაეცანით მსგავს მასალებს ტეგების მიხედვით





Загрузка...