გაეცანით ინტერნეტში ყველაზე პოპულარულ მასალებს აქ!
Загрузка...
მთავარი » 2020 » ოქტომბერი » 23 » ევექსი ჰოსპიტლებმა ინფიცირებული ბავშვების სამკურნალოდ ციციშვილის კლინიკა გამოყო
9:20 PM
ევექსი ჰოსპიტლებმა ინფიცირებული ბავშვების სამკურნალოდ ციციშვილის კლინიკა გამოყო






ევექსი ჰოსპიტლები განაგრძობს ინფიცირებულთა სამართავად გუშინ დაანონსებული საწოლების გამოყოფას და სახელმწიფოს მხარდაჭერის ფარგლებში, დღეს, 23 ოქტომბერს, დამატებით კიდევ ერთი სამედიცინო ცენტრი — ციციშვილის ბავშთა კლინიკა გამოყო.

აღსანიშნავია, რომ ქვეყანაში ინფიცირებულთა მკვეთრი მატების მიუხედავად, ჰოსპიტალური ქსელის მიერ დღემდე გამოყოფილი 634 საწოლის სრული დატვირთვა არ დაფიქსირებულა. მიუხედავად ამისა, ევექსი ჰოსპიტლები კვლავ მზადაა პანდემიასთან საბრძოლველად მოსახლეობას სრული მხარდაჭერა გამოუცხადოს. ამჯერად, შესაბამისი ინფრასტრუქტურით და მედპერსონალით აღჭურვილი ციციშვილის კლინიკა მზადაა ინფექციური პროფილით მიიღოს პატარა პაციენტები. აქვე აღსანიშნავია, რომ პედიატრიული და ნეონატოლოგიური პაციენტების საჭიროებიდან გამომდინარე, კლინიკაში წამყვანი ქირურგების ჩართულობით განხორციელდება გადაუდებელი და გეგმიური სტაციონარული ინტერვენციები.

კლინიკაში მომზადდა და შესაბამისი ინფრასტრუქტურით აღიჭურვა პალატები, სადაც დამატებითი საწოლებია გათვალისწინებული თავმდგმურებისთვისაც. COVID-19-ის პრევენციისა და კონტროლის საკითხებში გადამზადებული მედპერსონალი კი, სამედიცინო მომსახურებას პაციენტებთან ერთად, მათ მეთვალყურეებსაც გაუწევს.

ი. ციციშვილის სახელობის ბავშვთა კლინიკის ამბულატორიული ფლიგელი, რომელიც ჰოსპიტალური ნაწილისგან დამოუკიდებელი, იზოლირებული შესასვლელით მოეწყო, ჩვეულ რეჟიმში განაგრძობს ფუნქციონირებას, სადაც პედიატრიული პაციენტებისთვის იშვიათი დაავადებების ამბულატორიული სერვისის (დიაბეტი, ცისტური ფობროზი, დაუსრულებელი ოსტეოგენეზი, ბრუტონის დაავადება, თალასემია და სხვა) მიწოდება შეუფერხებლად განხორციელდება. რაც შეეხება სტაციონარულ სერვისებს, ციციშვილის წამყვანი ქირურგები პაციენტებს იაშვილის ბაზაზე მიიღებენ, სადაც შესაბამისი ქირურგიული მომსახურება (უროლოგია, ყბა-სახის ქირურგია, თორაკოქირურგია და სხვა) ჩატარდება.

ეს არის ევექსი ჰოსპიტლების მიერ სახელმწიფოს მხარდაჭერის ფარგლებში საწოლფონდის გამოყოფის რიგით მე-6 ეტაპი.

მასალის წყარო


გამოხატეთ თქვენი მოსაზრება მოცემულ მასალაზე - კომენტარის სახით.



მიმაგრება: სურათი 1
ნანახია: 47 | დაამატა: nikadzamiashvili | ტეგები: მედიცინა, ციციშვილის კლინიკა, ინფიცირებული, cicishvilis hospital, Coronavirus, დაავადება, მკურნალობა, ინფიცირება, corona virus, mkurnaloba, კოვიდ19, ევექსის ჰოსპიტალი, ინფექცია, korona virusi, korona, ბავშვები, კორონა ვირუსი, tsitsishvilis hospital, evex hospital | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]

გაეცანით მსგავს მასალებს ტეგების მიხედვით





Загрузка...