შემოდგომაზე, პირველ ცივ ამინდთან ერთად, მოდის დაღლილობა, ძილიანობა და განწყობის ცვალებადობა.
მოკლედ, ძირითადი ნიშნები იმისა, რაც ითვლება ვიტამინების დეფიციტად.

იმის მიხედვით, თუ რომელი ვიტამინი აკლია ორგანიზმს (ამას ანალიზის საშუალებით დაადგენთ), შეგიძლიათ დაარეგულიროთ კვების რაციონი.

თუ C ვიტამინის ნაკლებობა გაქვთ, უპირატესობა უნდა მიანიჭოთ

ციტრუსებს,
მოცხარს,
ქაცვს,
ასკილს,
ბოსტნეულს, როგორიცაა პომიდორი, კარტოფილი, კომბოსტო და ბულგარული წიწაკა.
B ჯგუფის ვიტამინების წყაროა თევზი, განსაკუთრებით ცხიმიანი ჯიშები: სკუმბრია, ორაგული, სარდინი, ასევე ძროხის ღვიძლი, ქათმის მკერდი, კვერცხი და რძის პროდუქტები. არ დაივიწყოთ პარკოსნები, შვრია, თხილი, თესლი და ისპანახი. ბანანიც დაგვეხმარება, თუ B ჯგუფის ვიტამინების ნაკლებობა გაქვთ.

თუ ვსაუბრობთ D ვიტამინის ნაკლებობაზე, მაშინ მნიშვნელოვანია გარეთ სიარული, განსაკუთრებით მზიან დღეებში. გარდა ამისა, შეგიძლიათ რაციონში შეიტანოთ:

ვირთევზას ღვიძლი,
ტუნა,
ორაგული,
კვერცხის გული,
ყველი.

ფრთხილად უნდა ვიყოთ ვიტამინებისა და მინერალების კომპლექსებთან - მათი დაუფიქრებელი გამოყენება შეიძლება ორგანიზმისთვის სასიკეთო არ აღმოჩნდეს.

რაციონში ვიტამინებითა და მინერალებით მდიდარი საკვების ჩართვა შესანიშნავი იდეაა. მაგრამ ვიტამინ-მინერალური კომპლექსები უკონტროლოდ არ უნდა მიიღოთ. ამ მიდგომამ შეიძლება გამოიწვიოს ზოგიერთი ნივთიერების სიჭარბე (რომელიც დეფიციტზე კიდევ უფრო საშიშია) და უსიამოვნო გვერდითი მოვლენები.

ლალი ჩხიკვაძე