მონაწილეობენ: გივი ბერიკაშვილი (ლონდრე), ეროსი მანჯგალაძე (მღვდელი), რამაზ ჩხიკვაძე (დიამბეგი), ლია გუდაძე (ამეთვისტო–დიამბეგის ცოლი), კოტე დაუშვილი (ვაჭარი გეო), იოსებ (სოსო) ლაღიძე (გაბრიელი), ლეილა ყიფიანი (ცირა), გურანდა გაბუნია(ვაჭრის ცოლი), შალვა გედევანიშვილი, დავით ქობულოვი (ქობულაშვილი)
ფილმის აღწერა:ლონდრე ჯარისკაცთა რაზმს ჩამორჩება, ღამეს ეკლესიაში გაათევს და მღვდლის მსახურს, გაბრიელს გაიცნობს, რომელიც შესჩივლებს, რომ მღვდელს მისი შეყვარებული ცირა ოთახში ჰყავს გამოკეტილი. ლონდრე გაბრიელს ცირას ოთახის ქვეშ ხვრელს გაათხრევინებს, ქალს გაათავისუფლებინებს და ჯვრის დასაწერად მღვდელს მოაწვევინებს. პატარძლისა და ტყვე ცირას მსგავსებით გაოგნებული მღვდელი გვიან მიხვდება, რომ გააბრიყვეს. ლონდრე ქალაქის თავსაც გაასულელებს და ბრაზისგან ჭკუიდან შეშლის. კმაყოფილი, რომ ახალგაზრდები გააბედნიერა, რეგვნები კი დასაჯა, ლონდრე ქალაქს დატოვებს და შარაგზას გაუყვება.
|