წლის აღმოჩენა - თურქეთში უძველეს მიწისქვეშა ქალაქს მიაკვლიეს - 8 აპრილში 2015 - Social Mega Portal



Загрузка...
მთავარი » 2015 » აპრილი » 8 » წლის აღმოჩენა - თურქეთში უძველეს მიწისქვეშა ქალაქს მიაკვლიეს
4:34 AM
წლის აღმოჩენა - თურქეთში უძველეს მიწისქვეშა ქალაქს მიაკვლიეს






ოდესაც ნევშეხირის რეგიონში მშენებლები ძველი სახლების დანგრევისა და მათ ნაცვლად ახალი შენობების ასაგებად ემზადებოდნენ, ნაკლებად თუ ივარაუდებდა რომელიმე მათგანი რომ იდგა აღმოჩენის წინ, რომელიც რეგიონის ისტორიას თავიდან დაწერდა. ქალაქის ძველი ნაგებობებისგან გასუფთავება 2013 წლიდან დაიწყო და როდესაც პროცესი აქტიურ ფაზაში იყო შესული, მუშები შემთხვევით გადააწყდნენ უძველესი ქალაქის შესასვლელს. არქეოლოგთა თქმით, ეს ყველაზე ძველი მიწისქვეშა ქალაქია იმ ქალაქთა შორის, რომელიც თურქეთის ტერიტორიაზე დღემდე აღმოუჩენიათ და გასაკვირიც არ არის რომ მას წლის აღმოჩენად თვლიან.

ქალაქის შესახებ საკმაოდ დიდხანს არ ხმაურდებოდა ცნობები, თუმცა 2014 წლის ბოლოს ერთ-ერთმა ადგილობრივმა გაზეთმა მაინც დაწერა სტატია იმის შესახებ რომ თურქეთში უძველესი ქალაქი იქნა აღმოჩენილი. აღსანიშნავია ის ფაქტიც, რომ როდესაც ეს ინფორმაცია საზოგადოებისთვის გახდა ხელმისაწვდომი არქეოლოგებს უკვე მოესწროთ შეესწავლათ ქალაქში არსებული გვირაბები, რომელთა საერთო სიგრძე 7 კილომეტრს უტოლდება.

დღემდე უცნობია ქალაქის მთლიანი ფართობი, გეოფიზიკოსთა წინასწარი შეფასებით ქალაქის მოცულობა დაახლოებით 5 მილიონი კვადრატული კილომეტრია და ის მიწის ქვეშ 113 კილომეტრზე მდებარეობს. უკანასკნელად თურქეთი დიდი ზომის მიწისქვეშა ქალაქის აღმოჩენით 1963 წელს მოექცა ყურადღების ცენტრში. მაშინ ქალაქ დერინკუიუს მიაკვლიეს, რომლის სავარაუდო მოსახლეობაც დაახლოებით 20 ათას ადამიანს შეადგენდა. არქეოლოგთა თქმით კი, ახლახანს ნაპოვნი ქალაქი დერინკუიუს 30%-ით აღემატება.

ნაპოვნი არტეფაქტების მიხედვით ქალაქი 5 ათასი წლის მაინც უნდა იყოს და სავარაუდოდ ის ოდესღაც წარმოადგენდა საიმედო თავშესაფარს მტრისაგან თავის დასაცავად. მეცნიერები აცხადებენ, რომ მას აქვს საინტერესო და განვითარებული ინფრასტრუქტურა, რომელიც თავის თავში მოიაზრებდა მრავალრიცხოვან საჰაერო შახტებს, წყლის კორიდორებს, საწარმოებს, სადაც მზადდებოდა ზეთი და ღვინო და ასევე სალოცავ ადგილებს. მოქმედი მერის განცხადებით, არ არის გამორიცხული რომ მიწისქვეშა ქალაქი მალე ტურისტებისთვისაც გახდეს ხელმისაწვდომი, მასში ნაპოვნმა უძველესმა სალოცავებმა კი ახლიდან დაიწყონ ფუნცქიონირება.

მასალის წყარო


გამოხატეთ თქვენი მოსაზრება მოცემულ მასალაზე - კომენტარის სახით.



მიმაგრება: სურათი 1
ნანახია: 117 | დაამატა: nikucha | ტეგები: მეცნიერება, მსოფლიო, დერინკუიუ, არქეოლოგია, თურქეთი, ტურიზმი, ისტორია, ნევშეხირის რეგიონი, აღმოჩენა, turizmi arqeologia istoria | რეიტინგი: 0.0/0

გაეცანით მსგავს მასალებს ტეგების მიხედვით



სულ კომენტარები: 0
სახელი *:
Email *:
კოდი *: